ACM Competition

Standard

في البداية لو حبينا نسأل نفسنا يا تري ايه الفرق بين جوجل من 5 سنين و النهاردة ؟ فكر كدا شوية .. هل الفرق في الشكل او في لغة البرمجة اللي بيستخدموها ؟

طيب ايه اللي خلي جوجل سيرش يتطور بالطريقة اللي وصلها النهاردة دي و ايه اللي يمنع اي حد انه يقدر بسهولة يعمل محرك بحث اقوي منه.

السر في حاجة زي كدا هي الالجورزم اللي بيشتغل بيه البحث , كل فترة الناس اللي شغالة هناك بتحاول تطور الالجورزم دا لانه هو اقوي حاجة عندهم.

عشان كدا لما بندور علي الوظائف في شركات زي جوجل , مايكروسوفت , اي بي ام او غيرها بنلاقي انهم دايما بيدوروا علي مبرمج قوي في Algorithms لان الفرق ما بين الكود اللي بيكتبه حد محترف و الكود اللي بيبكتبه حد عادي بيعتمد علي النقطة دي تحديدا و الا تخيل كدا لو البحث بيتم بكفاءة بس بتستني اربع دقايق عشان النتيجة تطلع 🙂 .

طيب احنا بقا اخبارنا ايه في الموضوع دا 🙂 .. عموما هو مش احنا بس اللي كدا تقدر تقول ان كتير من المبرمجين للاسف معندهمش مهارة عالية في الالجوريزمز والرياضيات و عشان كدا مش سهل تلاقي عندنا محرك بحث او موقع زي فيس يوك او كدا لان الحاجات دي شغالة بالجوريزمات قوية جدا و محتاجة النوعية دي من المبرمجين.

في العالم كله الشركات دايما بتدور علي النوع دا من المبرمجين عشان كدا في مسابقات كتيير بتتعمل علي مستوي العالم بين الطلبة و غير الطلبة برضه عشان الناس تتنافس علي حل المشكلات البرمجية دي بحلول متميزة من ناحية السرعة و الكفاءة.

Google Code Jam

ACM ICPC

IEEE Extreme

في الحقيقة المسابقات دي مشهورة جدا و في فرق من جامعات مصرية بتشترك فيها باستمرار و بتوصل للمراحل النهائية فيها كمان.

http://www.ahramdigital.org.eg/Community.aspx?Serial=751491

كمان في منها مسابقات بتبقي عن طريق الانترنت من خلال مواقع زي

TopCoder.com

و اللي حتلاحظه من المسابقات دي ان الاوائل فيها من مصر بيبقوا شغالين في شركات كبيرة زي جوجل و مايكروسوفت و غيرها و منهم احمد علي (الاول علي مصر) اللي شغال حاليا في جوجل .

في الملف دا احمد علي و بيشرح برضه شوية عن احد المسابقات دي

e.com/document/d/1aRF7tF7ihwM0I_uJX59zEiksYTfWb5HuuQwRlLHxw5g/edit?pli=1

احنا بقالنا فترة بنحاول ندخل الموضوع دا عندنا هنا في الكلية بس الدنيا حلوة طبعا 🙂 بس الحمد لله لقينا طريقة كويسة نقدر نشترك من خلالها بحيث نبدأ نجهز فرق تشارك في المسابقة و تاخد تدريبات و تطور مهاراتها عشان تنافس و كدا

احنا محتاجين من كل حد مهتم بالموضوع دا انه يشارك في المسابقة المحلية اللي بتبقي في مصر ان شاء الله

بس لازم علي الاقل يكون عارف برمجة بس مش شرط يكون متميز في الالجوريزمات

لو عايز تعرف اكتر عن المسابقة من خلال اللنك دا

http://www.acmacpc.org/

و عشان تعرف القواعد بتاعتها من خلال

http://www.acmacpc.org/rules.html

و لو عايز تشارك في المسابقة

https://a7medkamal.wordpress.com/2012/10/18/how-to-register-in-acm/

الناس لازم تسجل علي الاقصي قبل يوم السبت و الاسبقية للي يسجل الاول طبعا

  • محدش يقلق من معاد التسجيل المكتوب او معاد المسابقة لانه اتعدل برضه
  • يا ريت كل البيانات تكون كاملة  و كمان تبعت اميل بعد ما تسجل باسماء التيم علي a.abdelfatah@live.com
  • كل فريق بيبقي حوالي 3 من الطلبة و بيبقي فيه كوتش سواء واحد من التلاتة دول او حد من برا
  •  Coach دا ممكن يكون طالب عادي جدا فياريت اي حد من الفريق يبقي  Coach
  • هو ملوش مميزات الا انه بينظم موضوع الاتصالات و كدا Coach
  • الفرق اللي حتسجل في المرحلة دي هي اللي حنشتغل معاها في الفترة الجاية ان شاء الله

الاسئلة :

انا حضيف الاسئلة اللي حتوصلني و ححاول اجاوب عليها هنا

1- انا اللي حختار الفريق بتاعي و لا هما اللي حيختارونا ؟

لا في البداية بس احنا بنختار بعض بس بعد كدا الموضوع حيبقي فيه مسابقة و كدا و نختار الافضل فقط

2- ايه اللي حيحصل بعد ما نسجل ؟

احنا حنحاول نوفر سيشن او اكتر قبل المسابقة المحلية لانها قريبة جدا بس بعد ما تخلص حيبقي في تدريب اكبر للناس دي عشان يستعدوا للمسابقات اللي بعد كدا و حيبقي في تصفيات ما بينهم و هكذا

3- ازاي ممكن اسجل ؟

البوست دا حيشرحلك كل حاجة بالتفصيل  https://a7medkamal.wordpress.com/2012/10/18/how-to-register-in-acm/

4- ايه لغات البرمجة اللي ممكن نستخدمها ؟

انت قدامك 3 اختيارات سي بلس بلس او جافا او سي

5- هي المسابقة دي تبع مين ؟

هو عامة الموضوع مش متعلق بمسابقة معينة ان شاء الله بس دي اقوي واحدة موجودة

ACM is like IEEE .. it is an worldwide organization
competition sponsered by IBM

6- هل ينفع يكون اي اعضاء الفريق (3 اعضاء) من خارج جامعة طنطا ؟

لا للاسف بالنسية لينا مش ينفع بس هو ممكن يشوف ايه النظام في جامعته

7- انا عايز اشوف اسئلة شبه الاسئلة اللي بتبقي في المسابقة اعمل ايه ؟

اسئلة ACM مشهورة و موجود علي الانترنت الاسئلة الخاصة بالسنين اللي فاتت كمان تجرب تشوف موقع زي TopCoder او UVA

لو عندك اي استفسارات ممكن تبعتها علي a.abdelfatah@live.com

 

Advertisements

4 thoughts on “ACM Competition

    • لا للاسف مش حينفع لان الفرق اللي بتشارك بتبقي باسم الجامعة و المفروض بيبقي كمان معاك حاجة تثبت انك فيها (اثبات قيد)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s